Engouestloù

DILENNADEG-KÊR 2020 ha BREZHONEG

Kumunioù gorre ha su ar Vro Vigoudenn _ maread 2020 - 2026

Stad an traoù :

Mallus-mallus eo sikour ar brezhoneg : war roll ar yezhoù en arvar-bras eo bet merket gant an Unesco.

An dilennidi o deus ur perzh a bouez. Harpañ a reoc'h ar yezh en ur sinañ ar skrid amañ dindan.

1. Kerkent ha penn-kentañ ar respet c'hwec'h vloaz nesañ e vo votet ur politikerezh evit ar brezhoneg er gumun gant ar c'huzul-kêr. Ur politikerezh hag a c'haller kas da benn, raktreset ha treuzservij. Gwelet ha klevet brezhoneg er gumun eo ar pal.

2. Petra vo graet ?

-Lakaat ar brezhoneg war wel er gumun :

Brezhoneg-galleg e vo ar panelloù-heñchañ nevez-lakaet bepred (panelloù nevez pe panelloù lakaet e lec'h ar re gozh), an anvioù-lec'hioù a vo graet war o zro a-ziforc'h

- Souten kresk ar c'helenn brezhoneg hag an implij eus ar yezh, evit an holl rummadoù ha dreist-holl evit ar vugale (klasoù divyezhek ha dre soubidigezh, tañva d'ar yezh, obererezhioù troskol hag intrudu er-maez eus ar skol).

- Aesaat an implij eus ar brezhoneg er servijoù d'an dud (skridoù, stummadurioù evit ar c'hopridi youlek).

3. Penaos dont a-benn eus kement-se ?

- Envel un dilennad-dave.

- Sevel ur bodad, a vo dalc'het bep bloaz d'an nebeutañ, e-karg da ginnig ha da heuliañ an oberoù meneget a-us. Ennañ e vo tud ar gumun, dilennidi hag izili "Bec'h d'ar Brezhoneg !".

- Karta «Ya d'ar brezhoneg», kinniget gant Ofis Publik ar Brezhoneg (ur roll oberoù pleustrek) : kaout 2 live ouzhpenn labelaet (an hini kentañ a-benn tri bloaz, an eil a-benn c'hwec'h vloaz).

4. Souten an oberoù-se er gumuniezh-kumunioù, hervez barregezhioù pep strollegezh

Kumun : .................................................................

Anv al listenn war ar renk en dilennadeg-kêr : ................................................................

Anv ha sinadur penn al listenn gouest da sinañ : ...............................................................................

Email = bec-h-dar-bzhg@bigouter.bzh    -    Site internet = Bec'h d'ar Brezhoneg   -   Facebook = Bec'h d'ar Brezhoneg